Əgər televizora baxırsa...

Uşaqların mobil telefondan istifadə problemləri valideynlərinin davranışlarından yaranır. Valideynlərin örnək olduğuna diqqət çəkən mütəxəssislər, “Evə ilk dəfə gəldiyiniz zaman başqa heç nəyə fikir vermədən 10-15 dəqiqə yalnız uşaqlarınıza diqqət edin və yaxın təmasda olun” məsləhətini verir. Mütəxəssislərin fikrincə, smartfon və ya planşetlərdən evdə yalnız danışıq məqsədilə istifadə edilməli və texnoloji qurğular söndürülməlidir.

Fransada məktəblərdə şagirdlərə mobil telefon qadağası qoyulub. Yeni nizamnaməyə əsasən, uşaq bağçalarında, ibtidai və orta məktəblərdə mobil telefondan istifadə tamamilə qadağan edilib. Liseylərdə lisey rəhbərliyinin istəyinə uyğun olaraq məhdudiyyətlər qoyula bilər. Fransada tətbiq edilən qadağa uşaqların mobil telefondan düzgün istifadə etməsini gündəmə gətirib.
Ümumiyyətlə isə mütəxəssislər uşaqların ekranla mümkün qədər gec tanış olmasının ən yaxşısı olduğunu söyləyir.

3 yaşa qədər televizor ilə təmas olmamalıdır

Mobil telefondan istifadə üçün dəqiq yaş həddi müəyyən etmək mümkün deyil. Bəzi araşdırmalar məktəb yaşına qədər mobil telefon, planşet və internetdən istifadə etməməyin lazım olduğunu göstərsə də, praktikada bu mümkün deyil. Uşaqların ekranlarla mümkün qədər gec tanış olmaları yaxşı olardı. Beyin inkişafının intensiv şəkildə davam etdiyi və öyrənmənin ən yüksək səviyyədə olduğu ilk 3 yaşda onların ekranla təmasda olmaması vacibdir. 3 yaşdan sonra onların istifadəsi müəyyən həddə məhdudlaşdırılmalıdır.

Məhdudiyyətlər qoyulmalıdır

Telefon və ya kompüter istifadəsinin məhdudlaşdırılmasında ailə münasibətlərinin əhəmiyyətlidir. Ailələr bu məhdudiyyətlərə ciddi şəkildə riayət etməli və öz nəzarətlərini ələ keçirmələri üçün övladlarına nümunə olmalıdırlar. Əvvəlcə gündəlik istifadəyə 5-10 dəqiqə müddətində icazə verilməlidir. Planşet və ya telefonlar uşaqların əlindən qəfil götürülməməlidir. Onlara vaxtın bitdiyini  və özbaşına getmələrini söyləmək daha sağlam üsuldur.

Ailələr nümunə olmalıdır

Ailələrin və məktəblərin bu məsələyə baxışı eyni olmalıdır. Texnologiya hər zaman əlində olan bir uşağın texnologiyadan uzaq durması demək olar ki, mümkün deyil. Ailələr bu məsələyə müdaxilə etməli, məhdudiyyətlər qoymalıdırlar. Valideynlərin uşaqlar üçün örnək olduğunu nəzərə alsaq, valideyninin davamlı olaraq əlində telefona baxdığını görən uşaq telefon/planşetdən istifadə etməyin, televizora baxmağın yersiz davranış olduğunu düşünə bilməz.

Evə gələndə yalnız uşağınızla maraqlanın

Valideynlər evə gələndə başqa heç nəyə fikir vermədən 10-15 dəqiqə yalnız övladlarına diqqət etməli, yaxın təmasda olmalıdırlar. Bundan sonra, mümkünsə, danışıq məqsədləri istisna olmaqla, smartfon və ya planşetlərdən istifadə edilməməlidir.
Evdə müəyyən müddətdən sonra texnoloji cihazlar söndürülməlidir. Uşaqlarla keçirilən vaxt nə qədər keyfiyyətli olarsa, uşaqlarla ünsiyyət də bir o qədər güclü olar. Yaxşı ünsiyyət quran uşaqlar özlərinə güvənən fərdlərdir və internetə və sosial mediaya daha az ehtiyac duyurlar.

Uşağınızın sevimli məşğuliyyəti olsun

Bu gün texnologiyanı və interneti bütövlükdə qadağan etməkdənsə, uşaqlarımıza ondan qaydalar çərçivəsində istifadə etməyi öyrətməliyik. Biz hobbiləri olan, idmanla məşğul olan gəncləri təhlükəsiz dostlar dairəsində yetişdirməliyik. Bu baxımdan, zərurət yaranarsa, məktəblərdə texnologiya və internetdən istifadə dərslərinin keçirilməsi nəzərdə tutula bilər.

Nəticədə uşaqların mobil telefondan istifadə problemləri əslində uşaqların özlərindən deyil, valideynlərinin davranışlarından yaranır. Bu məsələyə daha həssas yanaşan, limit qoyan, övladı ilə ünsiyyətdə olan, övladına nümunə olan valideynlər bu problemin öhdəsindən asanlıqla gələcəklər.